Friday 29 de March de 2024

O Concello organiza unha ruta de sendeirismo polas Fragas do Tambre


O programa Andares por Galicia, A cultura da Natureza continua con novas excursións. A próxima saída está programada para o sábado día 1 de abril e inclúe unha ruta de sendeirismo polas fragas do Tambre desde Ponte Maceira e a visita ao Pazo do Faramello.

A ruta a pé sairá de Ponte Maceira e rematará en Mourentáns, pasando pola Fervenza do Pozo Negro, Pesqueiras do Tambre, Fragas do río Tambre e Encoro Barrié de la Maza. A distancia a percorrer é de 18 km e está cualificada como de dificultade media.

A actividade ten un custo de 22 euros e está dirixida a persoas maiores de idade, tendo preferencia as persoas empadroadas en Oleiros. As preinscricións realizaranse preferentemente na Sede electrónica a partir do 14 de marzo ás 10.00 horas. No caso de que algunha persoa non lle sexa posible realizala así, poderá facelo na Fábrica en horario de mañá de 10.00 a 14.00 horas.

Para obter máis información é posible dirixirse ao Departamento de Cultura do Concello de Oleiros, situado na Fábrica, ben fisicamente ou a través do teléfono 981 636 598 ou do correo electrónico r.caparros@oleiros.org.